ADVERTISEMENT
ADVERTISEMENT
હેમંત ગોરડિયાને યુનિવર્સિટી ઓફ ઓક્લાહોમાનો અલમનાઇ અવોર્ડ મળ્યો
નોર્મન કેમ્પસમાં વ્યાવસાયિક યોગદાન અને યુનિવર્સિટી સાથે સતત જોડાણ માટે આઠ ભૂતપૂર્વ વિદ્યાર્થીઓને સન્માનિત કરાયા, તેમાં ગોરડિયા પણ સામેલ
-
1759163132.png)
અનુષ્કા પાઠક - Tue, 25, Nov 2025
- 12:27 EST
- 13
રીજન્ટ્સ એલ્યુમની એવોર્ડ્સ યુનિવર્સિટી ઓફ ઓક્લાહોમા (OU) ના સ્નાતકોની ઉજવણી કરે છે જેમણે યુનિવર્સિટી પ્રત્યે અસાધારણ સમર્પણ અને સેવા દર્શાવી છે. / University of Oklahoma (OU)
યુનિવર્સિટી ઓફ ઓક્લાહોમા (OU) દ્વારા ૨૦૨૫ના રિજન્ટ્સ અલમનાઇ એવોર્ડ્સમાં કેમિકલ એન્જિનિયરિંગના ભૂતપૂર્વ વિદ્યાર્થી હેમંત પી. ગોરડિયાને શૈક્ષણિક શ્રેષ્ઠતા, યુનિવર્સિટી સાથે સતત જોડાણ તેમજ પરોપકારી પ્રવૃત્તિઓ માટે સન્માનિત કરવામાં આવ્યા છે.
યુનિવર્સિટીએ તેમની પ્રારંભિક શૈક્ષણિક સિદ્ધિઓ, નાનકડા પારિવારિક વ્યવસાય વિનમાર ઇન્ટરનેશનલને વૈશ્વિક પેટ્રોકેમિકલ્સ કંપની તરીકે વિકસાવવામાં મહત્વની ભૂમિકા તેમજ શિક્ષણ, સંશોધન અને સમુદાયિક કાર્યો માટે સતત ટેકો આપવાની વાત ખાસ પ્રકાશિત કરી છે.
૧૯૮૧માં કેમિકલ એન્જિનિયરિંગમાં બીએસની ડિગ્રી મેળવનાર હેમંત ગોરડિયાએ ચાર દાયકા કરતાં વધુ સમય પહેલાં ન્યૂયોર્કમાં પોતાના પારિવારિક નાના વેપારમાં જોડાયા હતા. સમય જતાં તેમણે વિનમારને આંતરરાષ્ટ્રીય કંપની બનાવી અને બે દાયકા સુધી સીઇઓ તરીકે સેવા આપી, ત્યારબાદ રોકાણ અને બિન-નફાકારક ક્ષેત્રે નેતૃત્વ સંભાળ્યું.
હાલ તેઓ ગેલોગ્લી કોલેજ ઓફ એન્જિનિયરિંગના બોર્ડ ઓફ વિઝિટર્સમાં સભ્ય તરીકે યુનિવર્સિટીને શૈક્ષણિક કાર્યક્રમો, સંશોધન પ્રાથમિકતાઓ અને વિદ્યાર્થી વિકાસ અંગે વ્યૂહાત્મક સલાહ આપી રહ્યા છે.
પત્ની ઇન્દ્રાણી ગોરડિયા સાથે મળીને તેમણે ટેક્સાસ ચિલ્ડ્રન્સ હોસ્પિટલ કેન્સર સેન્ટરમાં સંશોધન ફેલોશિપ સ્થાપી છે અને OUના અનેક એન્જિનિયરિંગ તેમજ શિક્ષણ કાર્યક્રમોને ટેકો આપ્યો છે.
પ્રથમ USA દ્વારા ભારતમાં વંચિત બાળકો માટે સાક્ષરતા કાર્યક્રમોને પ્રોત્સાહન આપીને લાખો બાળકો સુધી શિક્ષણની પહોંચ વધારવામાં પણ તેમનું મહત્વનું યોગદાન છે.
સમારોહમાં સાર્વજનિક સેવા, વ્યવસાય અને ટેક્નોલોજી ક્ષેત્રે યોગદાન આપનાર અન્ય સાત ભૂતપૂર્વ વિદ્યાર્થીઓને પણ સન્માનિત કરાયા હતા. યુનિવર્સિટી અધિકારીઓએ આ તમામ સન્માનિત વ્યક્તિઓના કાર્યને OUની વિવિધ ક્ષેત્રો, સમુદાયો અને વૈશ્વિક નેટવર્ક પર લાંબા ગાળાના પ્રભાવના પુરાવા તરીકે રજૂ કર્યા છે.
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login